【POPDUCT 教學】PARROT MAMBO 要射中目標，技術其次，理論第一！

文: POPDUCT MAN

12/10/2016

小編之前已經係情報Parrot Mambo開箱文詳細介紹Parrot Mambo 各配件基本用途，但一到實戰，好多讀者就會遇到各種問題，然後覺得買左名不副實既産品，就好似一啲走馬看花既傳媒一樣，對産品既誤會因而加深，所以小編拍左一個教學Video，除左教授基本設置，亦示範左Parrot Mambo 如假包換既「性能」，好似BB 彈射跌紙杯，以及夾筆放入紙杯，當中用家有可能失敗既原因，小編希望係喱篇文章為大家解答疑難，首先請大家收看影片

睇完一定有人會話，你技術好，所以你做到，小編同你地一樣，並無特別受訓，而能唔能夠做到既原因就喺Free flight Mini App既setting 入而，如果你係Parrot Bebop既用家，你應該好容易就發現問題，但一般抱住買玩具心態既用家經常會覺得買一件玩具，佢既功能必須係全自動.. ，那又有咩玩既趣味呢？

無人機既核心在於佢摩打既設定，你可以設定佢既最大高度、最大傾角、最大垂直速度及最大旋轉速度，而Mambo 能否輕易射中微小目標及微量調控動作在於最大傾角及最大垂直速度，最大傾角越高代表無人機的靈敏度越高，只要輕輕觸動控杆就會高速移動，相反，係微小的目標前，最大傾角必須降低，而同樣道理，最大垂直速度亦需降低以免高速上升下降徧離目標及難以修正航度。

以下是小編達標的參數，讓各位參考。