|
文: POPDUCT MAN  手動鏡大家玩得多，喱支鏡又有咩特別喱？小編就要拋下書包，吹下歷史啦~ 話說1840年有位人兄叫Joseph Petzval發明左一支金鏡，光圈f3.7，比同年代既鏡頭有更快既門快速度，加上獨特既光學設計，令焦外像場扭曲，拍出獨有散景，之後既鏡頭都參考Petzval lens 既設計改良。直到1958年由Bolome 廠生産左一支叫helio 44既鏡頭，喱支鏡頭既光學結構參考Zeiss Biotar 58mm F2.0設計，用上雙Gauss 對稱式雙鏡片設計，後組對稱雙片校正前組像差，由六片四組鏡片組成光學結構，由於喱個初期設計有某些缺陷，在光圈全開既時候會造成焦外散景光部壓縮，當光部出現在焦外，就會生成「旋轉散景」，亦比港人形容為「打風散景」。起初十三片光圈葉打做出迷人波波散景，及後helio 44由不同生産商生產，因為降低成本理由，光圈葉降至八片及六片，散景迷人度大不如前。講左咁耐你可能會問，關支Lensbaby 新鏡咩事？當然關事！喱支Lensbaby新鏡叫Twist 60，焦距60mm，光圈F2.5，12片光圈葉，4片3組鏡片，廠商形容鏡頭效果係Twisty & Swirly Blur ，而喱種散景就係參考Petzval 同helio 44既光學去設計，加上金色鏡頭設計，向鏡頭鼻祖Petzval 致敬！如果你係一個老鏡迷，喱支Lensbaby twist 60你一定愛不釋手，使用技術亦不必我多講，但如果你係一個攝影新手，想尋求新既突破，咁就要聽下我下一章「Lensbaby Twist 60既使用教學」，而宜家等我地來開箱介紹下先 一如以往，lensbaby 包裝精美，以優質厚咭紙包裝保護  盒內有鏡頭、包鏡袋、說明書及口號咭紙  新鏡第一次以金色塗裝Optic 部分、配以黑色鏡桶  側面見到Optic光圈刻度  接口以高質鋁金屬切割而成  Optic部分可以輕易扭動取出，隨意更換其他Optic  Optic 光圈全開，F2.5  Optic 光圈最細為F22  Optic 背部設計有別於 Sweet 35，Edge 80等  跟已停產型號Scout 對照  跟Sweet 35 Optic 對照  裝上已停産型號Control Freak 感覺，都幾型喎！  裝上Composer Pro 之後，再安上Sony A7ii body，一定能夠吸引街上眾人目光  安上Fujifilm X-E1 上感覺  安上CANON EOS 5D MARK IV 上感覺   測試相片立即訂購:
0 Comments
Leave a Reply. |
POPDUCT 主編 | POPDUCT MAN醉心攝影十餘年，年少時曾從事廣告後期製作工作，於攝影業界廣結良友，希望為生活風格產品開闢新購物體驗 分類
August 2020
更多文章
All
|
RSS Feed
